«Фарёди хомўш»

Торнигори Маликнеъмат

Таронаҳои Парвиз ترانه های پرویز


         Дар  таърихи  14  январи  соли  2011, дар  толори  боҳашамати  хочагии  ба  номи  Амирови  минтақаи  Мастчоҳҳунарнамоии  овозхони  чавон,  муҳассили  соли  аввали  консерваторияи миллии  Точикистон Парвизи  Шодибег баргузор  гардид. Дар саҳна  оҳангҳои  марғуб  танин  меандохтанду Парвиз  бефосила  овоз  мехонд.Таронаҳои  «Биё,  чонам», «Дунё  чи нозанин  аст», «Эй дилрабо», «Қуввати  ман,  модарам», «Эй қиблагоҳи ман», «Ман  ёри  туам, Маҳбуба», «Ошиқам, ошиқи ту», «Ишқи ту  баҳор  аст», «Байтҳои  мастчоҳй»  дар ҳавои  саҳна  ғулғула  меафканданд.

        Чиҳил  сол  қабл  дар  Мастчоҳ  на  мусиқй  буду  на  ромишгар  ва  на  овозхони  касбй. Имрўз  дар  муассисаҳои  таълимй  садҳо  нафар ҳунарварон  дар  бахши  мусиқй  ва  суруд  касби камол  менамоянд.  Пойдевори  мусиқии  имрўзи  Мастчоҳ  тавассути  ҳунарварони  машҳури  зодаи  ин  марзу  бум  Муродбеги  Насриддин, марҳумон  Рўзибои  Бобо, Рустамбеги  Баҳодур, Пироншоҳи  Амин, Додочони Қутбиддин, Асрори  Камолиддин, Сулаймонбеги  Шариф, Фарҳод  ва  Азизхочаи  Шодй, Муҳаммадшариф, Аброр  Исматй, Лолаи  Азиз, Раҳматшоҳ, Муҳаммадсаид, Маликэҳсон, Маликмутаҳҳар, Саидчон, Сабурчон   Исои  Мўсо, Фатҳиддин ва  чандин  нафарҳои  дигар  гузошта  шуд.

           Аз  ин  чост,  ки  насли  нави  ҳунармандони  мастчоҳй  монанди  Аврангзеб, Сиёвуш, Донишманд, Фаридун, Бахтиёр, Диловар, Шодмон, Парвиз, Бежан  фарохтар  аз  қаламрави  Мастчоҳ,  дар  соири  гўшаву  канори  олами  зебои  ромиш  ва  оромиш  сайр  мекунанд  ва  ҳунари  худро  сайқал  медиҳанд. Он  рўз  дур  нест,  ки  овозаи  ҳунари  зебои  онон  оламгир  шавад  ва  дар  қалбҳои  ихлосмандонашон  чой бигиранд.

            Мусиқй  ва  суруд  дар  замони  пешрафти  фанноварй  ва  техноложии  компютерй  равишҳои  наве  касб  карда  истодааст. Яъне  аз  рўи  саҳнаҳои  бузург оҳиста-оҳиста  ба  паси  роёнаҳо  мегузарад.  Акнун  эчоди  мусиқй  ва оҳангҳои  нав тавассути  роёна  хеле осон  шудааст. Ҳар  як  мусиқор,  метавонад, дар  хона  нишаста  бо  ёрии  нармафзорҳои  вироишгар  ба  осонй  мусиқй  офарад,  овози  худро  таҳия бикунад  ва ниҳоят  видеобуридаҳо (клипҳо) бисозад. Натичаи  ҳамин  аст,  ки  имрўз  бозори «фонограмма», «копихонй», «клип», «реп», «dj», «МП 3» хеле  гарм  аст. «Ҳунарманд»  гўё  бо  «тамоми  дастаи навозандагон»  ба  саҳна  мебарояд. Лекин  дар  асл  корро  «фонограмма»-и  қаблан  омодашуда ичро мекунад. Ин  «ромишгарон»  танҳо  барои  намоиш  даст  мечунбонанду  халос. Агар чунон  шавад,  ки  барқ  хомўш  гардад, дигар  аз  ин  ҳама ҳамҳама  чизе  боқй нахоҳад  монд.

            Дигар  нуқсоне,  ки  миёни санъатварони  мо  ошкор  аст, ин  интихоби матнҳои  хароб,  бемазмуну  мантиқ   ва  «худэчодкарда»-и  онҳост,  ки   ба  дарди  касе  намехурад. Охирон,  тақлиди  кўркўронаи  чавонони  мо  ба  аносири  мусиқии  бегона  чун «поп», «чаз», «рокнролл» ва  «реп»  мебошад.  Хосса  чавонони  «реп»-хони  точик  ин  падидаи  мусиқии  ғарбро  беҳунарона  вориди  саҳнаҳои  точик  намуда, бад ин васила  шармандагии  худро тарғиб  менамоянд. Дар  адабиёти  точик «насри  мусаччаъ» гуфтанй  чизе  ҳаст. «Репхонон»-и  мо  лоақал  аз  ин  чиз  баҳравар  нестанд, ки  барои  мардум  аз  «реп»-ҳои  классикй  бихонанд.

              Ба чуз  аз  ду — се  нафар  санъатварон  дигар  касе  аз  хунармандони  точик дар  шабакаи  чаҳонии  интернет  вебнавиштҳои  мусиқй надорад. Ҳол  он  ки  дар  тамоми  чаҳон  аҳли  мусиқй  худро  туфайли  ин  шабака  муаррифй  мекунанд. Мусиқй  барои  ҳар  миллат  ва  халқият  бояд  аз  асолати  миллй  бархурдор  бошад. Яъне  мусиқии  точик  баёнгари  ҳол  ва  аҳволи  мардуми  точик бояд бошад. Дуруст  аст,  ки  дар  Точикистон  ҳуввият  ва  асолати  мусиқии  миллй  нигоҳдорй  карда  мешавад.  Лекин  бо  ин  ҳама  бепарво  шудан  лозим  нест. Саъй  бояд  кард, ки  ин    дастовардҳо  натанҳо  ҳифз,  балки  тарвич  ёбанд.Дар  охир  ба  ҳамаи  ҳунарварони  саҳнаҳои  точик  тавфиқ  ва  пуркорй  таманно  дорем.

Январь 19, 2011 - Posted by | Culture, Аквом, Интернет, Мастчох, Мушкилот, Назм, Точикистон, Фарханг ва адабиёт, Худшиноси, Чахон, Чехрахои мондагор, Шахсият, Pоёна, Tajik language

Комментариев нет.

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: