«Фарёди хомўш»

Торнигори Маликнеъмат

«Машъал» бо обу ранги нав


                      Ниҳоят  нашрияи  ҳукуматии  ноҳияи  Мастчоҳ- «Машъал»  таҳти  назари  муҳаррири  навтаъиншуда —  шоири  машҳур  Олимхон  Исматй  бо  обу  ранги  нав  аз  чоп  баромад.  Ин  дар  ҳоле  буд, ки дар  чаласаи  бахшида  ба  «Рўзи  омўзгор»  раиси  ноҳия  собиқ  муҳаррири  «Машъал»,  узви  Иттиҳоди  журналистони  байналмилал — Мирзоҳамдам  Шарифзодаро  бо  сабаби  ба  нафақа  баромаданаш  аз  вазифа  сабукдўш  намуда, ба  чои  ў  Олимхон  Исматиро  таъин  кард.

              «Мо,- гуфт  сарвари  ноҳия  А.Ҳикматов, — баъзан  ба  қадри  фарзандони  номовари  диёри  худ  намерасем  ва  аз  фарти  маҳалгарої   барои  пешрафти  онон  садди  роҳ  мешавем. Барои  мисол,  бигирем  Олимхон  Исматиро. Дар  сар  то  сари  чумҳурї  аз  эчодиёти  ў  истифода  мебаранд.Пас  чи  гуна  мешавад,  ки  ў  бебаҳра  аз  майдони  фарох  барои  амалиёти  худ  бошад? Мо  тасмим  гирифтем,  сарварии  «Машъал»-ро  ба  ихтиёри  ў  вогузорем».

                 Аҳли  толор  бо  андешаи  он,  ки  «акнун  Машъал  соҳиби    худро  ёфт»,  дуру  дароз  кафкўбй  намуданд. «Машъал»,  ҳарчанд  нашрияи  ҳукуматист  ва  ҳатто  дар  даврони  шўравї  ҳам  бо  ҳамин  ном  интишор  мегардид,  рисолатеро  дар  пай  дошт,  ки  дарду  алам  ва  орзуву  омоли  халқро  ҳамеша  инъикос  мекард. Бисёре  аз  номдорони  адаби  Мастчоҳ  монанди  Латиф  Одина, Усмон  Олим, Саидолими  Акрам, Шодй  Асрор, Мулло Боқй, Пўлод Ҳомид, Садриддини  Масрур, Қувват  Давлат, Муҳаммадзамони  Солеҳ, Шоҳмирзои  Хоча, Мирзо  Боқй,  Мирзо  Шукурзода, Олим  Салимзода, Зиннат  Шафақ, Арбоб  Қурбон, Олимхон  Исматй, Чўра  Юсуфй, Абдумалик  Зуҳурй,  Абдуқодири  Абдуллоҳ, Аъзам  Хучаста, Салими  Аюбзод, Мирзо  Давлат, Меҳринисо,  Сурайё, Савринисо, Гулноз  ва  чандин  нафари  дигарро  дар  оғўши  меҳрпарвари  худ  гирифта,  тарбия  намудааст. Хизмати  хоксоронаи  «Машъал»  он  буд,  ки  нахустин  навиштаҳои  қаламкашони  босалиқаро  бидуни  тардид  ва  шакк  дар  сафаҳоти  худ  чой  медод.

                Солҳои  дар  синфи  ҳафт  хонданам  ба  хотир  омад,  ки  бо  хоҳиши  чандин  чабрдида  аз  муомилаи  сарди  як  фурўшандаи  мағоза  гила  доштанду  орзу  мекарданд,  ки  оё қаламкаше  бошад, то  дар  «Машъал»  ўро  ҳачв  бикунад. Ман  ба  нишони  рўзнома  хабари  танқидие  бо  имзои  мустаор  фиристодам. Ва  онро  баъди  чанде  дар  саҳифаи  « Машъал»  дидам. Баъди  интишор  шудани  ин  навишта  муомилаи  он  фурўшанда  ба  мардум  нек  шуд.

                 Воқеаи  дигареро  низ дар  хотир  дорам,  ки  соли  1977  идораи  рўзнома  эълонеро  чоп  кард  ва  мундаричааш  он  буд,  ки  барои кор  дар  рўзнома  мусаҳҳеҳ  мечўст.Фардо  фурсатро  аз  даст  надода,  рост  ба  идораи  «Машъал»  рафтам. Он љо  довталабони  бисёре  барои  гирифтани  чои  мусаҳҳеҳй  омада  буданд  ва  муҳаррир  Усмон  Олим  дониши  ҳар  якеро  месанчид, то  сазовореро  барои  ин  вазифа  дарёбад.  Ниҳояти  кор  баъди  санчиш  маро  қабул  кард. Аз  он  пас  роҳе  ба  сўи  олами  эчод  ба  рўи  ман  боз  гардид.

                Бо  тараддуди  муҳаррири  нав  ва  кўмаки  бешоибаи  Чўра  Юсуфй  шумораи  навбатии  «Машъал»  интишор  гардид.Он  чи  нав  аст,  ороиши  унвони  нашрия  ва  дар  паҳлўи  унвон  тасвири  машъал,  ҳамчунин  чой  ёфтани нишони почтаи  электронй  дар  поварақи  рўзнома  ҳасту  халос.  Дигар  ҳамон  шиору  даъватҳои  забонзада  ва  кўҳна, сарлавҳаҳои  маъмул  ва  қолабй.  Албатта  ин  шумора-шумораи  озмоишист  ва  таҳриргарони  он  нақша  доранд,  ки  муназзам  дар  шаклу  мазмуни  он навгониҳо  ворид  созанд. Пеш  аз  ҳама  номи  нашрия: «Машъал»  хеле  кўҳна,  арабй  ва  ба  замона  номувофиқ  буда,  бояд  ки  тагйир  дода  шавад.. Сониян  вазифаи  рўзнома танҳо дарчи  воқеоти  заҳмату  тараддуд  мисли  пахтаю  кору  чорводорию  ҳосил  нею, балки  инъикоси  роҳату  истироҳату бадеиёту маънавиёт  бояд  бошад. Ҳамчунон  хабарҳои  тозаи  чаҳонро  дар  худ  акс  кунад. Мисли  он,  ки  дар  саҳифаҳои  рўзнома  рубрикаҳои  «Манзараҳои  диёр», «Интишороти  сол», «Оламу  ҳодис», «Пешниҳодоти  ғоя  ва  андешаҳо  барои  ободии  диёр», «Ачабистон» (Ачоиботи  олам), «Вижвижи  вожаҳо» (Вожаномаи  Мастчоҳ», «Таърихи  куҳандиёр» (Таърихи  ҳар  як  деҳаи  Мастчоҳ), «Дастовардҳо» (доир  ба  адабиёт,  фарҳанг, ҳунар,  санъат,  мусиқй,  ихтироот, варзиш  сайёҳй), кроссворд  ва  чайнвордҳо  аз  мазмуни  зиндагии  даруни  диёр, «Табрикот», «Ногуфтаниҳо», рубрикаҳои  ҳачвии  «Кўҳтармаҳо» ё  «Сурчак»,  умуман  бисёр  корҳоро  метавон  кард,  то  ин  рўзнома  муштариёни  зиёдеро  дар  худ  фаро  гирад. Замоне  буд,  ки  ин  нашрия  наздики  даҳ  ҳазор  хонанда  дошт…

            Алҳол  умеди  он  дорем,  ки  дар  наздиктарин  рўзҳо  аҳли  адабу  қалами  Мастчоҳ  сари  масъалаи  зебо  ва  хоно  сохтани  ягона  нашрияи  худ  талошҳо  меварзанд. Ба  Олимхон  тавфиқ  таманно  менамоем.

Октябрь 20, 2010 - Posted by | Имло, Инсон, Ирфон, Кайҳон, Мастчох, Мушкилот, Фарханг ва адабиёт, Хикоя, Чахон, Шахсият

2 комментария »

  1. Бо салом ба устод Маликнеьмат!
    Дубора эхё шудани нашрияи «Машаьл»-ро ба шумо ва кулли ахли адабу фарханги Мастчох табрик арз мекунам.Худо кунад,ки «Машаьл» рушангари торикихои чомеаи мо бишавад.
    Муваффак бошед.

    комментарий от Фирдавси Аьзам فردوس اعظم | Октябрь 21, 2010 | Ответить

    • Ташаккур Фирдавс! Андешаву орои ҳар як қаламкаши асил бояд ҳамин бошад.

      комментарий от Маликнеъмат | Октябрь 22, 2010 | Ответить


Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: