«Фарёди хомўш»

Торнигори Маликнеъмат

Одам дар дами марг чиро мебинад?


                                                        Худованд  дар  китоби   худ  «Қуръон»  фармудааст,  ки  «Куллу  нафсин  зоиқатул  мавт» ( «Ҳамаи  нафсҳо  фарогири  марг  хоҳанд  шуд»). Пас  марг  ҳақиқатест-талх, ки  онро  ҳама  кас  аз  мавчуди  зинда  хоҳад  чашид. Марг  чандон  мусибат  нест,  ки  менамояд. Балки  марг  раҳои  аз  ташвишҳои  дунё, ворастаги  аз  васвасаи  иблис  ва  ниҳоят  таваллуди  дигарест  дар  олами  «баъси  баъдал  мавти»   ростин  ва  човидони. Аз  шоире  шунидам,  ки  мегуфт:

                         Орзуҳоро  ба  ёди  марг  дар  дил  киштаам,

                         Ҳеч  кас  бар  хештан  мушкил  чу  ман  осон  накард.

      

          Аммо  гуфта  мешавад,  ки  марги  кам  андар  кам   нафаре  ба  осони  даст  медиҳад,  чунки  чонзоди  дар  ҳоли  назъ  садди  мушкилгузареро  чун  «сакароти  мавт» бояд  тай  бикунад. Барои  ҳамин  хам  бештари  мардумон  аз  офаридгори  хеш   таманнои  он  доранд,  маргашонро  осон  бикунад.  Хобро  намунаи  соддаи  марг  ҳисобидаанд:

 

                           Хоб,  оре,  бародаи  марг  аст,

                           Ки  аз  ў  нахли  умр  бебарг  аст.

          

          Лекин  марг  хобест,  ки  дар  пай  хестан  надорад. Дар  ин  марҳала  руҳ  фард  мешавад  ва  чисмро  танҳо  мегузорад.Маргро танҳо  касе  хуб  истиқбол  карда  метавонад,  ки  номаи  аъмолаш  сафед  бошад. Мавлонои  Руми  дар  ҳоли  марги  хеш  ин  байтро  гирди  забон  дошт:

 

                            Имшаб  шаби  он  аст,  ки  бинам  шоди ,

                            Дарёбам  аз  худои  худ  озоди.

 

            Гуфтаанд,  ки  инсон  пеш  аз  мурданаш  огоҳи  меёбад. Ё ба  воситаи  дидани  хоб,  ё  дар  бедори  тавассути  нишонхои  ошкор.Барои  марг  ҳатман  сабабе  мукаррар  мегардад  ва  касро  беихтиёр  суи  хеш   мекашад. Онхое,  ки  гирифтори  марги  клиники  шудаанд,  мегўянд,  аз  тангнои  мудхише  гузаштаанд. Баъзеҳо  дар  дами  мурдан  «чонсарак»  мешаванд. Як  бор  пеш  аз  баромадани  чон  аз  чоящон  мехезанд.Бештари  нафархо  ба  фарищтахои  пурсанда  рў  ба  рў  мегарданд  ва  аз  амалҳои  неку  бади  кардаашон  пурсида  мешаванд.

            Дар  «Куллиёт»-и Носири  Хисрав  аз  забони  як  нависандаи  номаълум  ҳолати  марги  Носири  Хисрав  дар  ғори  Юмгондара   ва  пурсупосаш  бо  фариштаҳо  сухан  меравад. Ман  худ  як  нафар  одами  чиддиеро  медонистам,  ки  пеш  аз  маргаш  маро  хонд  ва  гуфт.  Ҳоло  дар  гирду  атрофии  ман  пур  аз  фариштаҳои  пурсанда  неку  бади  маро  ҳисобу  китоб  карда  истодаанд. Он  одам  гуфт,  ки  манзара  хеле  мудҳиш  аст.

             Бештаре  аз  олимони  рўҳшинос  бар  ақидаеанд,  ки  инсон  дар  ҳоли  марг  дар  ҳаво  парвоз  мекунад  ва  муаллақ  мешавад.

              Як  нафар  дўсти  иронии  ман   як  шеъри  маро  дар  бораи  марг  хонда  гуфта  буд:

             « Беҳтарин  чизе,  ки  дар  ҳар  ду  дунё  ба  назар  менамояд,  марг  аст.  Марг  инсонро  ба  чое  мебарад, рости  ва  адолати  мутлақ он  чост.»

              

               Бузургворе  дар  ин  бора  гуфтааст:

 

               Бимир,  эй  дўст,  пеш  аз  марг,  агар  умри  абад  хоҳи,

               Ки Идрис  аз  чунин  мурдан  биҳишти  гашт  пеш  аз  мо.              

Сентябрь 7, 2010 - Posted by | Зиндагй, Инсон, Ирфон, Марг, Мотам, Мушкилот, Тасаввуф, Худо, Худшиноси, Шахсият, фарзанд

5 комментариев »

  1. Дуруд устод!!!
    Хуб, на, оли буд! Муваффакият хохонам.

    Ба кавли яке аз мардони Худо:
    Марг агар мард аст гу назди ман ой,
    То дар огушаш бигирам танг-танг.

    комментарий от Odinamuhammad | Сентябрь 8, 2010 | Ответить

  2. Ташаккур Одинамухаммад! Хамеша хонандаи аввалини навиштахои мо хастед. Иди Рамазон муборакатон бод!

    комментарий от Маликнеъмат | Сентябрь 8, 2010 | Ответить

  3. Durud ustod.

    Ман аз танҳову танҳоӣ,наметарсам, наметарсам,
    Ман аз ин гуна раҳпоӣ, наметарсам, наметарсам.
    Чаро тарсам зи танҳоӣ, ки танҳоӣ маро ёр аст,
    Ман аз бо ёр худсозӣ, наметарсам, наметарсам.
    Ҳазорон моҳ шуд хуршед, ҳазорон ахтарон бирбуд,
    Аз ин беахтару моҳӣ, наметарсам, наметарсам.
    Чаро тарсам зи танҳоӣ, ки Яздон худ бувад танҳо,
    Аз ин дуру парешонӣ, наметарсам, наметарсам.
    Маро биме зи рафтан нест, биё наздам агар хоҳӣ,
    Ки ман аз ҷонфидосозӣ, наметарсам, наметарсам.

    комментарий от Firdavsi Azam | Сентябрь 11, 2010 | Ответить

  4. Дуруди дубора устод.
    Инчо шеьр овардам аммо аз марг чизе ногуфта рафтам.Дар андешаву пиндори мо марг огози зиндагист, огози зиндагии вокеьи.Марг дар зиндагии мо одамон гузаргохест,ки уро аз чахони дигаргунихову нопйдорихо,мусибатхову мушкилихо ба чахони вокеию пойдор ва човидони сармади охират интикол медихад.Ин дунё як давраи имтихонсупории донишчуёнро мемонад.Марг ошкоркунанда ва барканоркунандаи пардаи хакикат аз руи чехраи асрори мастури илохист,инсон танхо дар ин мархила ба кистии Уву ки будани хеш даст меёбад.Бино бар ин набояд аз марг тарсид ва ба чои тарс бояд руи он андеша кард ва бесаброна бояд интизораш буд ва бояд кабл аз омаданаш уро садо кард ва харчи зудтар ба васли он махбуби вокеи бирасид.Марг огози дунёи дигар аст.Ин зулоли банда дар хамин бобат нигошта шуда:

    Парда чун шуд барканор
    Рози пинхонгашта гардад ошкор
    Рафтахо аз кабрхо дар пайкари бехису чон
    Дар шитоб оянду гарданд рахсипор
    Чониби Парвардигор

    комментарий от Firdavsi Azam | Сентябрь 11, 2010 | Ответить

    • Ҳар ду нигоштаҳои шумо, Фирдавс, чолиб ва тақвиятдиҳандаи мақолаи мост.Ба хулосаи паёмбари ростин- Зардушти Аспитамон «МАРГ –ЗИНДАГИСТ!»

      комментарий от Маликнеъмат | Сентябрь 12, 2010 | Ответить


Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s

%d такие блоггеры, как: